A ANPA «Vila de Cee» comeza o curso con ilusión para poder dar o mellor de si durante este curso escolar (2023-24), e como unha asociación non é nada sen os seus socios, estamos informando de todas as novidades que temos este ano (establecementos colaboradores, actividades en horario escolar, escola de familias…) e do proceso que teñen que seguir as familias interesadas en formar parte da asociación de pais e nais da do Colexio Vila de Cee.
Este ano pretendemos dixitalizar todo o traballo da ANPA para facilitar ós asociados facer os trámites, xa que non é necesario acudir presencialmente ó local nun horario en concreto. Ademáis, como sabedes a directiva da ANPA está tamén formada por pais e nais, a maioría deles traballamos e facilítanos poder facer todo o traballo e xestión dende a nosa casa, nos momentos que temos dispoñibilidade, facilitando así a conciliación.
O custe de facerse socio é de 20 € anuais para familias que teñan un só neno ou nena no cole e de 25 € anuais para as familias que teñan dous ou máis nenos.
Nesta web podedes ver todas as vantaxes de facerse familia socia da ANPA, tanto as directamente relacionadas con este tipo de asociacións (defensa do alumnado, das demandas das familias, favorecer a conciliación por medio de actividades extraescolares…), como outras adicionais como descontos en establecementos colaboradores, escolas de familias…
